W piątk 9 maja 2025r. ò trzecy pò pôłnié dzôtczi ze szkólnyma jachałë do Szimbarkù.

W spòdlëczny szkòle bëłë przërôchtowóny jizbë z łóżkama, bò më mielë wiele zadaniów do zrobieniô i dodóm më nie chcelë ju wrócëc.Nôprzód w Szimbarkù przëwitôł najé karno szkólny Grzegòrz. Pòkôzół,co i gdze sã bãdze dzejało. Czedë kòżdé ju wiedzôł gdze spi, béł czas na spòkójną gôdkã i jigrë. Za sztót më sã spòtkalë z tancerzami z karna " Marzëbiónczi". Bëłë jigrë i pòspólny tuńce. Czedë zrobiło sã cemno,më szlë na ògniszcze,bë ùpiec wôrztã i pògôdac z nowima drëchama ò rozmajitëch sprawach. Bëłë téż spiéwë i szpòrtë. Pò spòtkaniù, më òbezdrzëlë film, ò tim,że mùszimë wszëtkò robic,bë spełniwac swòjë rojitwë i ùwierzëc w swòją sëłą. Chòc mało bëło czasu na spanié, to reno,w sobòtã,kòl szósté ju bëło czëc trzôsk kòl jizbów i smiéchë dzôtków.

Pò frisztëkù më szlë  pògrac w balã a pózni z rôbzakama sadlë do aùtobùsa. Pòjachalë do Wieżëcë,wëszlë na  górã i wieźã  i ceszëlë òczë krôjmalënkã Kaszëb.

W sobòtã, 10 V 2025 r. kòl dwanôsté - më wrócëlë dodóm. To béł piãkny czas!