We czwiôrtk, 13 VI 2024r. "Roczitkòwé Jagòdë" nie tuńcowałë leno jachałë do Załakòwa .

Tam chòdzëłë pò lënach ùwiãzunëch do drzewiãtów. Bëłë 3 mòżlëwòtë tras. Kòżdi nôprzôd ùcził sã na zemi, jak zaczëpic hôk na lënie, bë pózni òna gò mòckò trzima,czéj bãdze w górze. Czéj më zdrzelë z zemi na linczi, to òne fejn wëzdrzałë, ale czedë më wëszlë pò drôbce na górã,to ju bëło gòrzi.... Nodżi pëtlowałë, a òczë robiłë sã corôz wiãkszé.. Bëlë taczi, co szlë flot pò linkach a i téż taczi,co prosëlë,bë ich scygnąc chùtkò na zemiã. :) Kòżdé dzeckò mògło sprôwdzëc,jak to je robic co nowégò, mòcowac sã ze swòjim strachã.

Pò prôwdze wôrtno bëło tuwò przëjachac!

Na kùńc wanodżi, më zjedlë rozmajité smaczci i wrócëlë do szkòłë.